في الحلقة الثالثة مما اعتبر أخطر تسجيل صوتي مسجل للرئيس المصري المخلوع محمد حسني مبارك، والذي يتابعه موقع "مسلسلات اون لاين" نقلا عن مصدره الاساسي، وكنا قد نشرنا يوم أمس الاثنين الحلقة الثانية من تسجيلاته المرفقة بتسجيل صوتي، وأول أمس الأحد كانت الحلقة الأولى، وفي هذه الحلقة الثالثة يكشف مبارك "عن المزيد من الأسرار، التي يذكرها مبارك عن حقيقة وفاة عمر سليمان نائب الرئيس الأسبق ورئيس جهاز المخابرات.

عمر سليمان ما اتقتلش ومرحش
سوريا خالص

حيث قال إن "عمر سليمان" ما اتقتلش ومرحش سوريا خالص.. هو سافر الإمارات لما عرف إن الإخوان هينتقموا منه لأنه الصندوق الأسود. كما كشف "مبارك" عن محاولات المملكة العربية السعودية للتدخل من أجل الإفراج عنه بعد دخوله السجن قائلا للطبيب "السعودية مرة بعتت للمشير طنطاوي وعرضوا 6 مليارات دولار علشان أخرج وكانوا عايزين يعلنوا ده". أنا قولت لبتوع النيابة:"الله يخرب بيتكو إنتو عاوزين تطلعوني حرامي.. وقطر هتجيب أمريكان يهود يستوطنوا عندنا.. ويعملوا مشروعات سيئة زى قناة السويس ويأجروها".

تحدث الرئيس الأسبق محمد حسني مبارك عن "مشروع النهضة" الذي قدمه الإخوان المسلمون برنامجاً انتخابياً لمرشحهم الدكتور محمد مرسي رئيس الجمهورية السابق.. وصف مبارك المشروع بأنهه "أكبر كذبة في تاريخ مصر".. قاطعه الدكتور: "هو فيه مشروع أصلاً".. فرد مبارك: "بصرف النظر عن الأمر.. الخطر في تمويل المشروع من دول عربية أو شركات أجنبية.. وقطر هتجيب أمريكان يهود بباسبورتات أمريكية ويعملوا مشروعات ويستوطنوا عندنا.. ويعملوا مشروعات سيئة زي قناة السويس وتأجيرها"..

عاد الحديث في سياق آخر إلى ملف الأمن والأمان والغلاء والمعيشة الصعبة التي يعانى منها المصريون بعد 25 يناير..

بدأ ضابط الحراسة حديثه قائلاً: "شفت مرسي يا ريس لما راح خطب في السودان وقالك أبشروا يا أهل السودان فمصر نهضت.. يجوا يشوفوا النهضة والغلاء والمعيشة.. الناس نفسها الدنيا ترجع زي زمان وتعرف تعيش في أمان.. الناس مش لاقيه تأكل مش لاقيين بنزين".. رد مبارك: "وفي الآخر يقولك النظام الثوري والثورة.. أنا استلمتهم 43 مليون في 1981 دلوقتي بقوا 90 مليون".. يرد ضابط الحراسة: "كل الناس بتقول كده إن شاء الله النظام السابق يرجع ويعمل اللي يعمله بس نعيش في أمان ومستقرين.. أنا كنت بلف وبجيب فلوس من كل حتة"..

ويواصل ضاحكاً: "ومبطلبش ومبشحتش زي الكلام اللي قاله القذافي ده مبارك كان بيشحتلكوا فلوس.. أنا فاكر الملك فهد بعتلي مرة 200 مليون دولار في 1989.. كنت في استراحة برج العرب لقيت البنك المركزي بيقولي اتحولنا مبلغ 200 مليون.. كلمته قالي أنا عارف اللي عندك.. الدنيا عندكو صعبة شوية".. رد ضابط الحراسة: "كانوا بيحبوا مصر وبيحبوا حضرتك"..

"القذافي ده كان باعت واحد يقتل الملك
عبدالله.. وإحنا مسكناه"

وأضاف مبارك: "آه ده في حرب الخليج إداني 2 مليار ونصف مليار دولار والكويت إدوني مليار و300 مليون دولار".. فقاطعه طبيبه الخاص: "ما هما دول اللي بيقولوا عليهم إنك حولتهم لحسابك الخاص وصرفتهم".. تجاهل الرئيس الأسبق هذه الجملة واستكمل قائلاً: "ده غير 500 مليون دولار قالوا اشتروا بيهم اللي انتوا عاوزينه وهاتولي الشيكات وانا أدفعهم.. ده الملك فهد.. أيام ما كانت الملايين ملايين مش زي دلوقتي".. ويضحك.. فيضحك الطبيب الخاص ويؤمن على كلامه قائلاً: "دلوقتي الملايين مع الدكتور ومع كل الناس الغلابة.. أنا معايا 500 جنيه من فلوس العمليات" ويتابع: "خسارة مصر يتعمل فيها كده والله ده يدل على أنهم كانوا بيحبوا حضرتك أوي".. فيرد مبارك:"أصلي أنا لما كنت بتعامل معاهم مكنتش بتكبر وبحترمهم ومحبش أشتم".. فيتدخل الطبيب الخاص: "أه مهمة النقطة ديه أوي.. القذافي كان بيقعد في جامعة الدول العربية يشتم الناس.. فتلاقي الملك عبد الله هاج عليه ورد"..

مفاجأة جديدة يكشف عنها الرئيس الأسبق في هذه التسجيلات.. أوضح مبارك أن الرئيس الليبي الراحل معمر القذافي وصلت ذروة خلافاته مع العاهل السعودي الملك عبدالله بن عبد العزيز إلى تأجير قاتل لاغتياله..

قائلاً :"القذافي ده كان باعت واحد يقتل الملك عبدالله.. وإحنا مسكناه.. الواد جاي وبعتله الفلوس عن طريق شركة سياحة من السعودية هنا.. علشان يصرف منها.. رحنا عرفنا الموضوع فجبناه.. فكان عايز يسافر تاني السعودية ومسكناه.. ومنعناه ومرضيناش نسفره السعودية.. فراح طلب يزوره القذافي.. وقالنا إنتوا منعينه ليه من السفر.. فرديت: إحنا منعناه علشان متقتلوش وتجبلنا مصيبة كلنا.. بصراحه كده فراح سكت.. ويكمل مبارك ضاحكاً: "منطقش".. فرد طبيبه الخاص: "السكوت علامة الرضا".. فضحك مبارك.. وسأله الدكتور: "حضرتك كنت فاهمه كويس.. فرد الرئيس الأسبق: "أنا كنت فاهمه كويس وفاهم أبوه.. أنا لما أتعامل مع واحد لازم أفهمه كويس".. فيقاطعه الطبيب: "بيقولوا على المنايفة عندهم درجة ذكاء عالية ياريس".. فيضحك مبارك بصوت عالي لفترة.. وعاد الطبيب ليكمل حديث المدح :"بقولهم شوفوا المنايفة كانوا عاملين إيه في البلد.. الرئيس السادات وبعدين الرئيس مبارك.. تعالوا شوفوا الشراقوة عاملين فينا إيه نسبة إلى مسقط رأس الرئيس السابق محمد مرسي".. فرد مبارك: "أنا كنت مستلم البلد متفككة عليها 57 مليار دولار ديون.. مكناش قادرين ندفع قسط سنوي من الفوائد.. وكان لازم نشتري أدوية وقمح في السنة.. فوقعنا مع صندوق النقد شوية.. وخلصت من صندوق النقد طلعلي جورج بوش الأب.. قولتله في اليابان مرة في زيارة: يا جورج إنت مبتساعدنيش مع صندوق النكد ده ليه؟.. فرد قالي: لا إزاي؟!!.. قولتله: الصندوق كل سنة عايز يرفع الفايدة يا إما يربطها برفع الدعم وأسعار البنزين وأنا مقدرش أعمل الحاجات دية.. قولتله قوم كلمه دلوقتي كانت الساعة حوالي 12 بالليل هناك وبتوقيتهم 12 الضهر.. فكلمه وقاله اقبل بالبرنامج اللي حطّاه مصر دون تغيير.. ساعتها كانت حكومة الدكتور عاطف صدقي فكلمني بعدها وقالي هو إيه اللي حصل؟.. بعد ما كان الصندوق متشدد معانا.. دلوقتي بيقبل برنامجنا بلا تعديل"..فعلق الطبيب الخاص قائلاً: "كانت مهمة العلاقات الدولية دية في إدارة البلاد"..

"الأمريكان كانوا زمان بيعملولي
حساب"..

يضيف مبارك: "الشيخ زايد ده كان مِدى قرض لروسيا أيام حرب الخليج بمليار يورو.. فقلتله عايزين نشتري طيارات هليكوبتر بيهم من روسيا.. طيارات قوية.. مسألش ليه ولا بكام.. على طول قالي نفذ.. وأيام حرب الخليج شفته كانوا شاريين طيارات إير باص من فرنسا فراح باعهم وإداني بيهم معونة 9 مليار موجودين في البنك المركزي في حساب الدولة".. قاطعه الطبيب: "ما هما بيقولوا مبارك عنده 9 مليار".. رد الرئيس الأسبق: "ما هما دول".. فأمن الطبيب على كلامه قائلاً: "أنا قريت تصريحات لمدير البنك المركزي في الأهرام من 3 شهور بيقول فيها إن مفيش مليم خرج من مصر ولا شنط ولا حاجة.. ولما سألوه متكلمتش ليه وقتها قال إن الموجة كانت عالية ومقدرش أتكلم".. فأوضح مبارك: "البنك المركزي ده بنك الحكومة.. اللي يحط فلوس فيه تبقى بتاعة الحكومة.. فكان الشيخ زايد يحولي على البنك المركزي مش على بنك تجاري.. والبنك المركزي ميفتحش حساب خاص لحد.. وجيه بتاع النيابة بيحقق برضه.. قولتله إنت عاوز إيه.. شوف أنا هقولك على كل حاجة علشان ترتاحوا هقولك اتحول للسعودية كام ولفلان كام ومش عارف ونرجع الفلوس بقى.. قالولي لا انت كده تعمل أزمة في الاحتياطي النقدي في البلد.. طيب أومال إية الله يخرب بيتكو انتو عاوزين تطلعوني حرامي"..

واشنطن والقاهرة.. والعلاقات مع البيت الأبيض شهدت شدا وجذبا وتغيرا من وقت لآخر.. يكشفها الرئيس الأسبق
قائلاً: "إحنا بقينا ضعاف الكل بيستهيفنا دلوقتي عرفوا إن إحنا بلد ضعيفة" يرد طبيبه الخاص: "بقينا ضعاف يا ريس".. فيستكمل مبارك:"الأمريكان كانوا زمان بيعملولي حساب.. رغم إني مرضيتش أديهم ولا قاعدة عسكرية ولا حاجه إطلاقاً.. وطلبوا مني كثير وحاولوا معايا محاولات رهيبة.. بس أنا مبعلنش ده علشان محدش يزايد عليا.. وبسلط عليهم الإسرائيليين بستغل الإسرائيليين بطريقة يعني.. شارون كان عندي مرة وبيقولي عايزين ننشط التجارة بينا.. قولتله انتوا اللي موقفين.. التجارة كانت نشيطة أيام رابين انتوا اللي وقفتوها.. كانوا عايزنا نصدر في اتفاقية الكويز بدون جمارك.. وكانوا بيشترطوا في أي صناعة بتصنعها عندك تاخد مكونات من إسرائيل بنسبة 8 أو 10%"..

يقاطعه الطبيب: "الدنيا اتقلبت علينا وقتها وقالت هتبقى شراكة إسرائيلية وبتاع".. فيرد مبارك:"قلت لشارون لا ده كلام فارغ فكان عندي الاتنين قالي أنا هبعت النائب بتاعي يوم الخميس.. جيه ومعاه موافقة بأن المصانع المصرية تصدر بالكامل دون مكونات إسرائيلية.. وبدأت مصانع العاشر من رمضان والسادس من أكتوبر وبرج العرب يصدروا لإسرائيل.. مدينة السادات".. قاطعه مجدداً طبيبه: "أحمد عز كان بيصدر الحديد هناك".. رد مبارك: "عز وأبو العينين كان بيصدر السراميك هناك.. كله كله من غير جمارك.. لأن لو صدرنا بجمارك الصين تضربنا.. هما اتغاظوا بقى من الضغط عليهم من إسرائيل.. لأنهم كانوا عايزين اتفاقية تجارة حرة بالكامل وتبادل خبرات الدكاتره الأمريكان يجوا يشتغلوا.. المحاسبين الأمريكان"..

استوقفه الطبيب الخاص وسأله: "أنا سمعت الكلام ده.. قالولنا هيجلكوا دكاترة ومهندسين من أمريكا وإسرائيل وبتاع ومكناش هنلاقي مستشفيات ولا عيادات نشتغل فيها ومش هنلاقي شغل ؟".. "آدي بقى الوزير رشيد في إشارة إلى وزير التجارة والصناعة الأسبق رشيد محمد رشيد - قعد يقولي خلص خلص ولزق في الكويز، لكن أنا في النهاية أخذت اللي أنا عايزه أنا كنت عايز أصدر ومش عايز منهم حاجة والبعد عن الشر غنيمة وضحكت عليهم"..

اتفاقية الكويز
في الرابع عشر من ديسمبر 2004 وقعت مصر بروتوكولاً في إطار ما يعرف بالمناطق الصناعية المؤهلة كويز (بالإنجليزية: QIZ) مع إسرائيل والولايات المتحدة.. وهي ترتيبات تسمح للمنتجات المصرية بالدخول إلى الأسواق الأمريكية دون جمارك أو حصص محددة شرط أن المكون الإسرائيلي في هذه المنتجات 11.7% (في التاسع من أكتوبر عام 2007 تم التوقيع على اتفاقية جديدة بين مصر وإسرائيل تقضي بتخفيض نسبة إسرائيل إلى 10.5%)، والهدف من هذا البروتوكول هو فتح الباب أمام الصادرات المصرية إلى السوق الأمريكية التي تستوعب 40% من حجم الاستهلاك العالمي دون التقيد بنظام الحصص والتي كان يتوقع أن تبلغ أربعة مليارات دولار خلال خمس سنوات من توقيع الاتفاقية خاصة بعد بدء تنفيذ اتفاقية الجات في أول يناير عام 2005.

ووفقاً لبروتوكول "الكويز" الموقع مع مصر فإن الحكومة الأمريكية تمنح معاملة تفضيلية من جانب واحد لكل المنتجات المصنعة داخل هذه المناطق في الجمارك أو العقود غير الجمركية من الجانب المصرى عن طريق دخولها إلى السوق الأمريكية دون خلع الملابسفة جمركية أو حصص كمية بشرط مراعاة هذه المنتجات لقواعد المنشأ واستخدام النسبة المتفق عليها من المدخلات الإسرائيلية (11.7% والتي تم تعديلها فيما بعد إلى 10.5)، وهو التزام غير محدد المدة وفي المقابل لا يترتب عليه أي التزام من قبل الجانب المصري ولا يستحدث أي جديد بالنسبة للعلاقات التجارية المصرية، وبموجبه أيضا تم الاتفاق على إقامة سبع مناطق صناعية مؤهلة في مصر على عدة مراحل على أن تشمل المرحلة الأولى إقامة المناطق الصناعية المؤهلة التالية : منطقة القاهرة الكبرى.. منطقة الإسكندرية وبرج العرب والعامرية.. المدينة الصناعية ببورسعيد.

يواصل مبارك حديثه:"وده اللي كان مزعل أمريكا.. ومرة تانية جالي وفد من الكونجرس الأمريكي الملعون بيقولي إحنا عايزين نخفض المعونة العسكرية من مليار و300 مليون دولار إلى 700 مليون قولتلهم انتوا حرين ديه فلوسكوا وانتوا أحرار عايزين تاخدوها خدوها.. بعدها أنا كنت في زيارة لروسيا.. عرضوا عليا شراء صفقة أسلحة.. قولتلهم بس أنا مش هقدر أشتري.. طلع الطيارة والخبر.. لقيتهم رجعوا في كلامهم وتراجعوا عن القصة ديه"..يستفسر الدكتور من الرئيس الأسبق: "والمعونة ديه بقى كانت مقابل إيه؟!"..فيرد مبارك: "ييجوا يخشوا عندنا.. بس هما كانوا عايزين قاعدة عسكرية لكن أنا وريتهم الويل".. يستفسر مجدداً الطبيب: "ديه القاعدة اللي كانوا عايزين ياخدوها في الجنوب على البحر الأحمر؟"..

يرد مبارك: "كان أيام المشير أبو غزاله ضحكوا عليه وقتها وقالوله نديك 200 مليون دولار .. ووافق وبعدين كنت مسافر أمريكا بعدها بأسبوع فبعتلي جواب مع سكرتير الرئاسة قالهم إدوا ده للرئيس مكتوب فيه: أنا وافقت على طلب الأمريكان ببناء قاعدة عسكرية في بلبيس بمحافظة الشرقية وهيزودولنا 200 مليون دولار في المعونة.. رحت استدعيته فجالي بعد ساعتين تلاتة وقولتله 200 مليون إيه.. تراب البلد ميسويش ملايين الدنيا ويقعدوا على طول.. وبعدين لا إنت ولا أنا لينا الحق إحنا لازم نستفتي الشعب ديه قاعدة دائمة عندنا".. وتابع مبارك:"المهم راحت أمريكا قابلت وزير الدفاع وقتها.. قولتله أوقف المناقصة اللي كنتوا هتعملوها على بلبيس.. انتوا عايزين قاعدة كاملة بخزانات بمياه تحلية بأبراج بإقامة دائمة بجنود يا نهار أسود.. فقالولي حاول قولتلهم انت تقدر تقنع البرلمان إذا كنت أنا مش مقتنع خالص".. يرد عليه ضابط الحراسة: "إنت راجل عندك خلفية عسكرية وعلى رأى عم دكتور التخدير حربجي يعني حارب كتير وفاهم".. رد مبارك: "أنا من سنة 1950 بحارب وحضرت 1956 وحرب اليمن 1962 ادعكت فيها.. وحرب 1967 كنت طيار.. وحرب 1973.. وخدت أعلى نياشين عسكرية.. أنا قعدت 27 سنة في الحروب"..

المشير أبو غزالة
المشير محمد عبد الحليم أبو غزالة (15 يناير 1930 - 6 سبتمبر 2008) وزير دفاع مصر في أواخر عهد محمد أنور السادات وبداية عهد الرئيس السابق محمد حسنى مبارك لعدة سنوات حتى سنة 1989، شارك في حرب أكتوبر 1973 قائدا لمدفعية الجيش الثاني.. تدرج في المواقع القيادية العسكرية، وعين وزيراً للدفاع والإنتاج الحربي وقائداً عاماً للقوات المسلحة سنة 1981، ورقي إلى رتبة مشير سنة 1982، ثم أصبح نائباً لرئيس مجلس الوزراء ووزيراً للدفاع والإنتاج الحربي وقائدًا عاماً للقوات المسلحة منذ 1982 وحتى 1989 عندما أقيل من منصبه وعين حينها مساعداً لرئيس الجمهورية.
أقاله الرئيس محمد حسني مبارك من منصب وزير الدفاع سنة 1989، اعتبر الكثيرين القرار وقتها مفاجئاً وفسره البعض على أن الغرض منه التخلص منه لتزايد شعبيته في الجيش وتخوف مبارك من أن يقوم بانقلاب عسكرى ضده، لكن المراقبين الغربيين يرون أن سبب إقالته هو تهريب أجزاء تستخدم في صناعة الصواريخ من الولايات المتحدة الأمريكية (مخالفاً بذلك قوانين حظر التصدير) ومحاولات المسؤولين عن البرنامج للحصول على تكنولوجيا الصواريخ الأمريكية بطريقة غير شرعية وعن صلة ما لأبوغزالة بهذا الملف إذ كشفت تقارير صحفية صدرت عام 1987 أغضبت الدول الغربية عن برنامج لتطوير صواريخ بعيدة المدى بين الأرجنتين والعراق ومصر باسم كوندور.
-2 استطاع مراوغة الولايات المتحدة الأمريكية بمناقصة دولية أقيمت من أجل إدخال دبابة قتال رئيسية بالإضافة إلى نقل تكنولوجيا تلك الدبابة، ولم تدخل الولايات المتحدة المناقصة حتى لا تدعم مصر بدبابة الأبرامز المتطورة على حساب حليفتها إسرائيل وظنا منها أن دول أوروبا لن تدعم مصر فى امتلاك دبابة قوية، لكنها فوجئت بالعديد من الدول تسعى للفوز بالمناقصة ومنها بريطانيا ودبابتها تشالينجر، فقررت أن تعرض على مصر دبابة الأبرامز بنسبة إنتاج ومكون محلى محدودة على أن تزداد كلما تم تجديد التعاقد لزيادة العدد، قبلت مصر الصفقة وبهذا دخلت دبابة الأبرامز الأقوى عالميا بالخدمة بالجيش المصرى. أسس برنامجا سريا لصناعة الصواريخ الباليستية بالتعاون مع الأرجنتين وبدعم عراقى لمشروع برنامج صاروخ بدر 2000 (كوندور 2).
وعن الموقف الأمريكي الأوروبي من 30 يونيو واعتبارهما ما حدث انقلابا وليس ثورة، وتبنيهم وجهة نظر الإخوان.. ثار حديث مبارك وطبيبه الخاص..
قال الطبيب:"بس لا يزال موقف أمريكا والاتحاد الأوروبى غريبا من اللى بيحصل".. فيرد مبارك:"لا ما أمريكا هي اللى عاملة العملية ديه كلها.. أوباما كلمني يوم 1 فبراير.. قالى ما تسلم السلطة.. رحت هبشت فيه.. قولتله انت تعرف الأمريكان أكتر ما أنا أعرفهم.. وأنا أعرف المصريين أكتر ما إنت تعرفهم.. وبعدين أنا أنفذ اللي الشعب عايزه مش أي حد تاني".. فيوضح الدكتور:"موقف السعودية طبعاً دهب.. الملك عبدالله دهب.. دوول حتى إمبارح أثروا على دول كتير.. حتى الأمير سعود الفيصل وزير الخارجية"..قاطعه مبارك: "راح فرنسا بيقنعهم"..فأجاب الدكتور:"آه إمبارح.. الأمير سلطان حاكم الشارقة بالإمارات كان بيعيط، قال أنا بعز البلد ديه جدا واتربيت واتخرجت في كلية الزراعة وعارف يعني إيه الجيزة ومصر.. كلام درر، ذهب، كلام خلاني أعيط والله.. وإحنا من غير المصريين مننفعش".. فرد مبارك:"آه هو بيحب مصر.. وهو اتبرع هنا للجامعة".. فقاطعه الطبيب: "آه هو قال هيتبرع للمجمع العلمي وعنده نسخ من المخطوطات فيه.. وقال إن المشكلة مع رجال الأعمال في دورهم الاجتماعي يعني في الجيزة فيه 18 منطقة عشوائية.. واتكلم عن المنوفية إن ليهم فضل عليه.. أنا بقيت مبسوط.. اتكلم ييجي حوالي 10 دقائق عن المنوفية.. اللي كانوا بيروحوا زيارات وييجوا بيجبولنا زيارات وبتاع وهما اللي علمونا وهما مش عارف إيه".. يضيف مبارك:"ده اتبرع لجامعة القاهرة بـ10 ملايين"..

من جديد.. يسأل الطبيب الخاص الرئيس الأسبق حول رأيه فى خروج الإخوان للمظاهرات في الشارع، والاعتصام ورفض تولي الجيش السلطة وما نتج عنها من أحداث عنف وتخريب.. قائلاً:"رأي حضرتك إيه في اللى بيحصل.. انت قولت قبل كده دوول مسكوا عضمة ومش هيسبوها".. يجيب مبارك: "لا لا مش هسيبوها بالساهل.. هيضيعوا البلد".. فيسأل الطبيب الخاص: "موقف أمريكا وأوروبا إيه.. عايزين يرجعوا مرسي ولا إيه بالاتفاق مع الإخوان؟"..يرد مبارك: "آه طبعا فيه مصالح وكمان عايزين ياخدوا جزء من سيناء".. فيقاطعه الدكتور: "آه حضرتك قولتلي الكلام ده قبل كده إنهم عايزين يعملوه معاك".. فيسأل مبارك باستغراب: "يعملوا معايا إيه؟!".. يجاوب الطبيب: "إن نتنياهو عرض عليك ياخد جزء من سيناء نفس العرض اللي عرضوا عليك".. يرد مبارك: "آه لمح كده بس.. رحت هبشته وقولتله إنسى الكلام ده".. يقاطعه الطبيب: "لا الحقيقة هما واقفين موقف جامد، أمريكا وأوروبا وتركيا كمان"..
يرد مبارك:"آه".. يستكمل الدكتور: "مهو علشان أردوغان إخوان صرف يعني.. النهارده أعلنوا وقف كل العلاقات والاتفاقيات مع مصر".. يسأل مبارك: "مين اللي وقفوا".. يجاوب الطبيب: "هما الأتراك أعلنوا.. رغم إن مصر بقيت سوبر ماركت تركي سوق كويس بالنسبه لهم.. تخش أي حاجة تلاقيها تركيا.. جزء تركي وجزء صيني.. فأردوغان واقف وقفة شديدة مع مرسي".. يقاطعه مبارك:"ده كان بيصدرولنا من غير جمارك.. أحسن إنهم وقفوا كل حاجة.. وبعدين أردوغان ده ملوش صاحب.. قبل كده كان هو وسوريا أصدقاء جدا.. لكن قلب عليهم"..

هيكل وثروة مبارك:
أكد الكاتب الصحفي محمد حسنين هيكل في جلسة التحقيق معه بـ23 مايو 2011 عند استدعائه أمام جهاز الكسب غير المشروع أن ما نشر على لسانه بصحيفة "الأهرام" بشأن ثروة الرئيس السابق حسني مبارك جاء في ضوء وسائل الإعلام الخارجية وتقارير ودوريات دولية منشورة عن وكالات عالمية.

1- نشرت جريدة الجارديان أنه استطاع الحصول على أرباح تقدر بالملايين من وراء صفقات الاستثمار، ووجود شراكة قوية مع سلسلة مطاعم "NYJMDAT - CHILIS" ووفقا لما جاء على لسان مدير معهد بازل السويسري أن ثروته هو وابنه علاء تصل إلى أكثر من 50 مليار دولار.
2- وجود حسابات سرية له في البنك الأهلي، فرع مصر الجديدة أبرزها:
أ- 73.45 مليون جنيه على حساب رقم 1000821113.
ب- 41.856.67 مليون جنيه على حساب رقم 5001821119.
ج- 10.496.786 مليون جنيه على حساب رقم 5000082111.
3- حسابات أخرى بالدولار تصل قيمتها إلى نحو نصف مليون دولار.
4- ترجع أسباب الاشتباه في المذكور إلى ما يلي: أ ـ تلقيه مكافآت سنوية من بعض الشركات.
5- الحساب الجاري الأول بالدولار الأمريكي على النحو التالي:
أ- بلغ إجمالي الحركات الدائنة نحو 13.5 مليون دولار واردة من شركتين من الشركات التي تتعامل في مجال إدارة الأصول "هيرمس البريطانية" "بوليون" واحتفاظه بأصول خارجية تدر عليه عائدا سنويا يصل إلى 1.8 مليون دولار.
ب- تم خصم نحو 13.6 مليون دولار خلال تلك الفترة منها نحو 12.8 مليونا في شكل تحويلات.
ج- تحويل 2.1 مليون دولار إلى حساب شقيقه الأكبر علاء مبارك بتاريخ 21/8/2008.
د- تحويلات بإجمالي 10.7 ملايين دولار لتغذية حسابه الجاري بالجنيه المصري.
7- بلغ رصيد حسابه في 28/2/2011 دائنا بمبلغ 67 ألف دولار..