عرفت مهنة الجزارة بأنها للرجال فقط، نظرًا لما تطلبه من مشقة وجهد من امساك سكين وذبح وتقطيع لحوم، لكن "أم كريم" التى تعمل بالجزارة في منطقة المذبح أثبتت أن هذه المهنة أيضًا للسيدات. أم سيد محترفة فى سن السكاكين تتحدث عن قصتها مع مهنة الجزارة، قائلة:"أبويا كان بيشتغل جزار وكنت بقف معاه الأول ووقفت مكانه بعدما توفى وكنت بقطع لحمة بس، لكن ما أقدرش أدبح وهى مهنة متعبة بس أعمل إيه مفيش حاجة مش متعبة ولما حد بيشوفنى بيستغرب بس بيقول إن دى حاجة حلوة، وإن فى ست جزارة، وواقفة أحسن من ميت راجل".

وعن معاملة الجزارين لها تقول لكاميرا "فيديو7 قناة اليوم السابع المصورة":"أنا بتعامل معاهم كراجل مش واحدة ست وهما بيعاملونى كراجل، بيقولوا أم كريم دى راجل ومسكتى للسكين بتخوف الناس الغريبة منى بيقولوا جامدة بس هنا فى السوق عادى محدش بيخاف منى".

أم سيد أشهر سنانة سكاكين في مصر القديمة:

برغم عمل "أم كريم" بالجزارة فإنها ترفض أن تعمل بناتها بهذه المهنة أيضًا، وتقول:"عندى بنتين وقدرت أجوزهم وعملت لهم شقق حلوة لكن ماينفعش يشتغلوا معايا عشان أجوازهم هيرفضوا".

"أم سيد" محترفة فى سن السكين

أم كريم أشهر "جزارة" بالمذبح "أم سيد" محترفة فى سن السكين "المهنة نستنى إنى ست":

عرف عن السيدات أنهن النوع الناعم الضعيف الذى لا يستطيع أن يقوم بالأعمال الشاقة التى يقوم بها الرجال، لكن "أم سيد" التى تعمل بمهنة "سن السكاكين" أثبتت أن المرأة تستطيع أن تمتهن الأعمال الشاقة مثلها مثل الرجال. أم كريم تتحدث الحاجة "عين الحياة" أو "أم سيد" الاسم الشائع بين زبائنها بمصر القديمة قصتها مع الساطور والسكين، وتقول:"أنا اتعلمت المهنة دى وأنا عندى 7 سنين من أبويا وكان يقولى انزلى اشتغلى مع إخواتك تتعلمى صنعة عشان أنتى مش عايزة تتعلمى. .فبدأت أكسر فحم الأول لإخواتى وبعد كدة بدأت أدق بالمرزبة وأطلع على الحجر وأطلع على الجلخ".

أم كريم تحترف الذبح:

تتابع:"مهنة سن السكاكين صعبة عليا لكن فضلت شغالة فيها لحد ما أتجوزت وأنا عندى 19 سنة وقعدت فى البيت، لكن عندما انفصلت عن جوزى ووالدى والدتى توفيا اضطريت أنزل أشتغل"، وأضافت:" اتعورت كتير وشقيت وسن السكاكين أصعب مهنة للست، لكن هى دى شغلتى وحبيتها لأنها شغلة جدودى"، ولفتت إلى أنها تنوى أن تعلم تلك المهنة إلى ابنتها، معللة: "يكون معاها صنعة تجبلها فلوس".

أم كريم أشهر "جزارة"

واستطردت:"طبيعة شغلى خلتنى أتعامل مع أبو ولادى كأنى راجل لأنى اتربيت فى شارع ومع رجالة مع الصنف الخشن فاتعودت على أسلوبهم "، وأضافت:"مبقتش أنثى رقيقة لدرجة إنه كان يقولى أنا بتكلم مع واحد أرجل منى، وكنت برد إن دى طبيعتى ومشكلتى معاه إنى ماكنتش بحب يفرض سيطرته عليا".