وانتقد الشيخ ميزو "محمد عبد الله نصر" في مداخلة هاتفية مع الإعلامي محمد الغيطي، انتقد فكرة مسابقة جمال المراة بالحجاب، وتابع قائلا: " أن من أرتضوا الحجاب ورأوا أن المرأة عورة وشعرها عورة يجب أن يغطي.. فعليهم إلا يتسابقوا في مسابقة يحضر فيها الرجال ويظهر صورهم في وسائل الإعلام".

وإتهم القائمين على المسابقة بأنهم يساعدون الأخوان والسلفيين على نشر ثقافة تحقير المرأة وتابع قائلا: "أنتم كده عاوزين الست تتحجب وبعدين تلبس النقاب وبعدين حرام تتعلم وبعدين تتجوز صغيرة ثم تنضم للجماعات السلفية.. والدين مفهوش حجاب أصلا، الدين مافهوش شعر المرأة عورة، والحجاب دخل مصر في دخول الدين الاخواني لمصر"، على حد قوله.

فردت إحداهن: "المرأة أساسًا مش عورة، وإحنا مش عايشين في أيام الجاهلية هنا، لو المرأة عورة مكنش ربنا اتكلم عنها في القرآن"، فعلّق الشيخ ميزو: "طالما حضرتك ارتضيتي الحجاب يبقى ترتضي المنظومة السلوكية بتاعته كلها، الفقه التراثي يقول إن المرأة عورة، وإذا خرجت أقبلت في صورة شيطان، وإذا أدبرت أدبرت في صورة شيطان، يا تقبلي الموروث كله يا ترفضيه كله"، فعقبت: "لا حضرتك المرأة مش عورة وأنا مش شيطان".

إتهم القائمين على المسابقة بأنهم يساعدون الأخوان والسلفيين على نشر ثقافة تحقير المرأة

فسألها الشيخ ميزو: "إنتي شايفة شعرك عورة؟"، فأجابت: "دي حاجة تُخصني، ومش من حقك تسألني السؤال ده"، وأضافت الأخرى: "الدين يُسر مش عُسر، والهداية بتبقى واحدة واحدة"، فعقب: "أيوه قولوا بقى كده.. يبقى إنتوا بدايتكم للتجنيد بالحجاب ثم النقاب ثم تنضموا للجماعات السلفية، الحجاب لم يظهر إلا بعد دخول الدين الإخواني لمصر"

فاستنكرت احداهن وقالت: "إنت شيخ في الأزهر إزاي؟ عايزينا نقلع الحجاب يعني ولا إيه مش فاهمة؟"، ووجهت سؤالا للشيخ ميزو، قائلة: " أنت مراتك محجبة؟" ليرد عليها،"أنا غير متزوج وحين أتزوج فسوف أختار فتاة لا ترتدي خرقة على رأسها ".. فانفعلت السائلة : "طب اقفلوا الخط عليه بقى لأنه بيقول كلام غلط خالص"، ومن جانبه انهي الغيطي المداخلة.