وجه الفنان احمد عز، رسالة جديدة للفنانة زينة، بسبب القضية القائمة بينهما لخلاف حول نسب توأم زينة له. وقال احمد عز ان كلامه لن يتغير وان ربنا يعلم الحقيقة وان صورته عند الله اهم له من صورته عند الناس وهو لن يغير كلامه حتى لو اعتزل التمثيل وافتتح كشك سجائر! وكان يقصد طبعا قضية نسب التوأم وتأكيد انكاره لابوتهما.

وقال احمد عز: "كلامي مش هيتغير من هنا لحد ما أموت، ومعنديش قلق من القضية دي.. أنا متأكد يعني.. ربنا عالم بالحقيقة، صورتي عند ربنا أهم من صورتي عند الناس، حتى لو هبطل تمثيل وهفتح كشك سجاير، أنا مش بهزر في الحاجات زي دي، الموضوع منتهي". في رسالة لزينة قال عز: "حتى لو حاولتي تعملي ايه تكتبي أو تغلطي أو تأجري ناس تكتب، فربنا اللي مقدره هو اللي هيحصل، واللي عارفني عن قرب متأكدين إني معملش كده، وعارفين أنا مين ومتربي إزاي، ولكن سنُة الحياة كل ما يبقى فيه نجاح لازم يبقى فيه هجوم".

وأضاف عز: "للمرة المليون، مش ههزر مع ربنا مهما حصل، لو هفتح كشك سجاير ومش هتكلم في أعراض عشان عيب رجولتي تمنعني أتكلم في حاجة زي دي". عن استخدامه "حقن البوتكس" علق قائلا: "أنا معرفش الرغي ده منين، واتعودت على كده، مفيش أدوار سينمائية تحتاج بوتكس، الناس بتحاول ترغي حواليا، دي سنُة الحياة، الناس عايزة تنشر الشائعات، وأنا مش مهتم وأهم حاجة صورتي عند ربنا".