بحرقة الدّمار ودمعة الحزن، وبشوق الإبتسامة وأمل الغد، يغني الفنان السوري ناصيف زيتون للوطن في صرخة يرفعها من خلال اغنية (هويتي) أمام شعوب العالم أجمع. فيديو ناصيف زيتون إبن الشام، يهديه الى سوريا التي تقف في وجه كل التحديات والمصاعب ويجمع بأدائه الحساس كل مشاعر الوطنية و الإنتماء لبلده الطاهر و لكل الأهالي البواسل.

لطالما كان ناصيف زيتون وطيلة الفترات الماضية مصدر سعادة لأهله وشعبه، شعب سوريا التي غمرته ومن الخطوات الأولى بعاطفة الأمّ فحملها صوته بوفاء رباط الرحم…ناصيف زيتون يتغنى بأرض وطنه الحرّة وشعبه المناضل رافعاً راية العنفوان والفخر بالإنتماء والهويّة، فيتألق بواحدة من أجمل الأغنيات الوطنية من كلمات حياة اسبر، ألحان فضل سليمان وتوزيع عمر صباغ.

ناصيف زيتون - هويتي

بـ"هويتي" ينطق ناصيف اليوم بلسان أرض الأمجاد وشعب الكرامة، فيخرج مرّة جديدة عن السرب ويغرّد بأغنية وطنية منفرداً في عالمه الخاص الذي لا يشبه إلاّ موهبته، تلك الموهبة لا تعرف أية حدود للإبداع. اغنية "هويتي" أداء ناصيف زيتون، كلمات: حياة اسبر، ألحان: فضل سليمان، توزيع: عمر صباغ، وتقول كلماتها:

عالشام خدوني وحبابي فرجوني
سوريا راجعة وشايفها بعيوني .. عالشام خدوني وحبابي فرجوني ..
سوريا راجعة وشايفها بعيوني

سوريتي هويتي وهج الشمس بيتي .. والغيم اللي بيروي الأرض شربان رجوليتي
والسوري وقت بيخلق بإسمو المجد بينطق .. بسوريا بيتعلق هي إمو الحنونة
سوريتي هويتي وهج الشمس بيتي .. والغيم اللي بيروي الأرض شربان رجوليتي
والسوري وقت بيخلق بإسمو المجد بينطق .. بسوريا بيتعلق هي إمو الحنونة

عالشام عالشام عالشام خدوني

السوري وقت بيرفع إيدو جبال بتركع .. والنجمة لبكرى بتطلع بذاكرتو مدفونة
كف السما جبيني وحب بلادي ديني.. أنا شرفي بيكفيني بالسوري سموني
سوريتي هويتي وهج الشمس بيتي .. والغيم اللي بيروي الأرض شربان رجوليتي
والسوري وقت بيخلق بإسمو المجد بينطق .. بسوريا بيتعلق هي إمو الحنونة

عالشام عالشام عالشام خدوني

السوري ما بيتهدد نصرو فجر مأكد .. واجبنا نتوحد لما بشدة تكوني
عالنخوة منتربى من الموت ما منتخبى .. لرجال بقوة قلبها مش بسيوف المسنونة
سوريتي هويتي وهج الشمس بيتي .. والغيم اللي بيروي الأرض شربان رجوليتي
والسوري وقت بيخلق بإسمو المجد بينطق .. بسوريا بيتعلق هي إمو الحنونة

عالشام عالشام عالشام خدوني