لاحظ جمهور الفنان الكوميدي أوس أوس ظهور عروسته في صور الزفاف وهي غير مبتسمة، مما دفع البعض لاتهامها بأنها عروس "كئيبة". إيمي، شقيقة أوس أوس، دافعت عن عروسته رويدا بقولها: "طب نقول كام معلومه على السريع كده.. اولا العروسه مش كئيبه بالعكس دي أطيب خلق الله ونعمه من ربنا انه رزقنا بيها في أسرتنا الفكره أن البنت استلموها تصوير من وهي في غرفتها لحد 2 بليل طبيعي هتفرهض ومش هتعرف تواصل الضحكه لآخر صوره".

وأضافت: "الصور بتاعه الفلوس تعمل كل حاجه والجو القلش ده مجرد هزار من الناس ده ميديش اي حد الحق في أنه يدخل ويتفلسف ويقول دي اتجوزته ليه.. ولا هو اتجوزها ليه .مش اول اتنين حلوين يتجوزوا يا جدعان.. الأهم بقى في ناس كتير من حبايب وقرايب وأصحاب زعلانين جدا انهم متعزموش بس بجد والله الموضوع كان محكوم جدا بعدد معين ودي قوانين الفندق نفسه ولازم نلتزم بيها ونعتذر جدا والفرحه كانت نقصه وجودكم كلكم".

وطالبت جمهور أوس أوس بالدعاء له هو وزوجته، حيث كتبت، على حسابها على "انستجرام": "آخر حاجه ياريت كل واحد بيحب أوس أوس يدعلوا هو ورويدا بالخير ويجعل أيامهم سعيده واللي مبيحبهوش خليك في حالك وبلاش صور واي هزار سخيف … #شكرا".