لا تزال "ليلى الشبح" والدة الطفلتين "مريم وشهد"، والتي قامت بإنتاج فيديو كليب مثير للجدل بعنوان "الواد ده بتاعي" غناء ورقص ابنتيها شهد ومريم، لا تزال مصممة انها لم تخطئ وتجادل بأسلوب استفزازي وبدت مغرورة بشكل اثار غضب الكثيرين خاصة لأنها تؤكد في كل جملة انها غنية وانها انتجت الـ "كليبة" (تقصد كليب" بنقودها التي تكسبها من تجارتها بالـ "عيقارات" (تقصد عقارات)، وستنتج لهما كليبات جديدة وحتى أفلام، مما جعل تعليقات الجمهور وانتقاداته الغاضبة تنهال على مقابلتها الأخيرة والتي ظهرت فيها وهي تضع مكياج مبالغ فيه وتلبس الكثير من الاكسسوارات الذهبية، وتلقت ردود هجومية قاسية جدا نشارككم اليوم ببعضها في موقع مسلسلات اون لاين!

وكان عدد كبير من صنّاع الفن، ومنهم الموسيقار حلمي بكر ونقيب الفنانين هاني شاكر، قد انهالوا عليها باللوم لموافقتها على انتاج هذا الكليب الفاسد لطفلتيها. ولكنها رفضت الاتهامات قائلة ان هذا النوع من الكليبات هو السائد اليوم. وقد اعترفت أخيرا ان كلمات كليب "الواد دا بتاعي" ربما لم تكن مناسبة لعمر الطفلتين، وتهربت من المسؤولية قائلة ان اللوم لا يقع عليها بل على كاتب الكلمات! اقرأ التفاصيل التي شاركناكم بها سابقا في موقع مسلسلات اون لاين هنا: هجوم على والدة الطفلتين بطلتي كليب ( الواد ده بتاعي) ومحام يتوعدها بالسجن!

ليلى الشبح تستفز الجمهور في مقابلتها الاخيرة

وفي مقابلة جديدة أجرتها معها ريهام سعيد في برنامج "صبايا الخير"، قالت ليلى الشبح ان بناتها "زعلوا" من الملحن حلمي بكر ومن الفنان هاني شاكر، بسبب هجومهما على كليب "الواد دا بتاعي"، ولكنها اكدت انها ليست نادمة على الكليب، وانها مقتنعه به ولم تدرك ان الكلمات "غلط" الا بعد التصوير.

وأكدت ليلى الشبح من جديد أنها لن تتراجع عن إنتاج كليبات جديدة لابنتيها، تنفيذا لرغبتهما، ولكن في المرات المُقبلة، ستختار كلمات أغاني أفضل، وربما أيضا أغنية وطنية، ولن تهتم لآراء الناس، فهي "لن تزعل بناتها ولن توقفهم عن الغناء حتى لو ضغط عليها الجميع!"

وانهالت تعليقات الجمهور القاسية اللاذعة في حق هذه الام بعد إذاعة مقابلتها الجديدة مع ريهام سعيد. وجمعنا لكم في موقع مسلسلات اون لاين بعض هذه التعليقات:

شاهد فيديو كليب "الواد دا بتاعي" مع الطفلتين شهد ومريم

Abeer Allam : البني ادمه دي فاسدة ومطلعة جيل فاسد وشرشوحة وبتكلم من مناخيرها وفاكرة نفسها استايل وهي كانت بتبيع مسامير ف الوكالة.. داهية تاخد اشكالك

Heba F-jwad Allam: انا سمعت عيقارات من هنا وعضل بطني وجعني من الضحك فعلا الفلوس عمرها ما نضفتش الأشكال المصديه دي! ولابسة احتياطي مصر من الدهب كله بتاعت العيقارات دي

غريبه الناس : على فكره العيب مش عليها العيب على جوزها "المعلم" اللي مخللي واحده زى دي تربي أولاده! اشك ان ده راجل من الأساس

Rachida M'hamad : انا هقول " يا لهوووووووووووووووووووووي ويا خراااااااااااابي! ده انا هالطم بالمصري والمغربي والسويدي والياباني كمان، معقولة وصلت عقلية بعض الامهات للدرجة دي؟ لا وفرحااانة اوي انا لو عايزة اعمل لهم فيلم كامل!! يا شيخة !!

حياه مفقوده : يا ساتر يارب دي بتتكلم من مناخريها مش من بوقها.. وكل حاجه علي لسانها بفلوسي! يا شيخه غوري في داهيه انتي وفلوسك! ايه الارف ده ؟؟

Omar Nayel : العيب علي الخروف اقصد جوزها المعلم الشبح اللي ساب الواحده المقززه دي تفسد بنت بريئه

Wafaa Hossam : يا شيخه انتي جبتيلي شلل. انتي أم فعلا جاهله ومستفزه! ربي بناتك تربيه صحيحه مش علي الشرشحه والواد بتاعي والشبشب ضاع! والله الأخلاق والدين والحياء والاحترام هيا اللي ضاعت في الزمن ده ربنا يسترها علينا وعلى أمة محمد جميعا

Rona Hussni : الفلوس عمرها ما هتنظف بني ادم. والمش كويس لو معاه مال الدنيا كلو يفضل باين عليه! وانا اول ماشفت الست دي قولت سبحانه الذي عافانا من هذا وابتلى بيه غيرنا

Noga Hassan : العيب على جوزها المعلم.. والا معلم ايه؟ بقى دانتى إلى معلمه ومعلمه أجيال! حاجه قرف حتى البنات باين عليهم قله التربيه ولا عندهم اى موهبه، وكليب ساقط ولا ليه اى لازمه. الام مدرسه يا معلمه إذا كنتى انتى بهذا الشكل فماذا تنتظرى من بناتك في المستقبل؟ اتقى الله فى بناتك وفينا.

مي يوسف : بصراحه اول ما شفت الست ام دهب وفلوس وعيقارت دي ومرات المعلم الشبح مرارتي اتفقعت اوي بصراحه! الواحد زهقان ومخنوق من الدنيا ودي جايه تفشخر علينا بفلوسها! ما كنش لازم تطلع دي معاكي ياريهام

Soha Alnagar : يا جماعه اى أم عاوزة ولادها احسن ناس فى الدنيا! وبعدين هى اعترفت انها غلطت مش لازم تكبروا المواضيع. دول ولادها ومش هتكونوا احن منها عليهم والدنيا بتعلم الناس وهى اكيد اتعلمت انها توجهم صح والبنات زى القمررر ربنا يحفظهم

Loulou Khalil ههههههه جوزها المعلم والعربية الشبح والكاتب السفاح عائلة محترمة جدا .

Saja Elchalakani طيب انت معاكى فلوس ومش عارفه توديها فين اعمل حاجه تاخدى عليها ثواب! وإذا كان الكليب طلب ولادك، انت واجبك تغيّري فكرهم وتوجهيهم صح. عرفيهم ان فى ناس كتير مريضه فى مستشفى للأطفال السرطان وممكن بناتك يتبرعوا بمبلغ من المال لشفاء هؤلاء الأطفال! دة كان المفروض لو انت فعلا بتخافى على أطفالك!! بس أقولك انت أصلا شكلك مش متعلمه ولا تعرفى حاجه خالص انت أصلا عايزة تقيم لسلوكك

Esraa Dë Àña هي عامله نفسها ان ما فيش غيرها في الدنيا! وعربيتي ب 350الف جينه!! وبعدين دي العظمه لله.. وكلامك مش مقنع! ازاي يعني المخرج اقنعك؟.

Sherien Elrefy مش صعبان عليا اي حاجه في القضيه دي غير البنات اللي مالهومش ذنب. المشكله ان بيطلع اجيال بالمنظر ده ولما يكبروا نعيب عليهم مع ان للاسف العيب الأكبر علي الاهل اللي بتربي!

Karas Nabil Wadea الخوف لو عملت فيلم.. هى البلاد ناقصه؟ ادى الفلوس بتعمي الناس عن الاخلاق والقيم والمبادئ.. يا جماعة دى انسانه جاهله ومعها شويت فلوس ... بس العيب على اللي بيوافق يطلع الكليبات ديه ع الشاشات ......فين الرقابه؟؟

Elsafera Shams بدل ماهي ماتعمل "كلبية" زي ماهي بتقول وتدفع فلوس وراكبه عربيه ب350الف جنيه، طيب ما تروح تتبرع لمستشفي 57357 واللا تتبرع للاطفال اللي محتاجين عمليات واللا الفقراء اللي مش لاقين اي حاجة! ده كفاية الحاج عجة الشبح اللي هي مجوزاه

O A. Abu Elezz صحيح الام مدرسة إذا أعددتها اعددت شغل طيب الأعراق... و دلوقتى خلااص لا بقي فيه أخلاق و امومة و لا اى حاجة خالص. متاجرة للاطفال بس. مش اى حد يصلح أن يكون اب او ام... اللي عايز يتجوز يتجوز ... لكن تجيبوا عيال و مش تعرفوا تربوهم ... حراااام

Shereen Assem انت شايفه يا ريهام ان المناظر دي يعني ذو اهميه علشان تطلعيها معاكي؟ ﻻ شكل وﻻ منظر وﻻ مستوي وﻻ اي حاجه! دي مثال سيئ للمجتمع!!!!

Amr Dk الغريب يا جماعة جوزها! واضح كدة انه مش راجل! الواحدة لما بتودّي ولادها لدرس خاص لازم يكون بعلم جوزها واذنه!! انما الست دي عادي وواضح ان جوزها مالهوش كلمة عليها ولا حتي على البنات!

دينا صلاح : دمها بارد وبتتكلم من منخيرها وفاكرة نفسها على الموضة و بتغير كل سنة عربية! وهتلقيها أساسا كانت بياعة فجل!

يوسف وعلي محمد : ايه المنظر المعفن ده وكمان قاعده تتقصع وتتكلم بالعين والحاجب اللي مرسوم رسمه شياطين

Kamal Kamal : هي فاكره بفلوس زوجها تعمل اي حاجه؟ وتفتكر تفرحهم بتلبية كل طلباتهم؟ الحق عليها وعلي رب الأسره اين هو من ذلك المهزله

Om Mohamed هو كل اللى معاة فلوس يبقا كدة مقرف ومستفز ومش حاسس بالغلبان؟

Heba Ibrahim دي شلتنى امبارح! بتقول عامله لعيالها "كليبه"؟؟ هو ع ايامى كان اسمه "كليب" انما كليبه دي جيبتيها منين دي

Asmaa Ahmed بارك الله فيك وفى بناتك تربية بجد! ده بدل ما تعلمهم القرآن والصلاة بتعلميهم قلة الادب والاغاني؟ بجد ده عصر الانحطاط والانحلال

Dody Dody Ahmed ماجانس عربيات؟ انا عدت الحتة دى كذا مرة عشان اتأكد انها قالتها! كدة يعنى انا عديت حتة عقيرات دى اللى قالتها لكن مجانس عربيات لا بق
ىى

ابتسم فالعالم لايتغيربحزنك: والله انا كنت هموت من الضحك ع طريقتها. هو في حد لسه مفور بالطريقه دي؟

Hana Amr : يا استاذه ريهام انتي ماعرفتيش تردي عليها لما بتقولك لالا احنا مش بيئه زي المناطق الشعبية! كان لازم تردي وتقوليلها انت بيئه جدا! طريقة كلامها وشكلها بيدل علي كده

Engy Baher : الست دى نموذج للام الجاهلة اللي فاكره ان كل حاجه بالفلوس! والبنات دول ربنا ابتلاهم بأم متعرفش يعنى ايه تربيه. والبنات مش موهوبين ولا صوتهم حلو ولا حاجه! الفلوس من غير تربيه ولا تعليم نقمه! بدل ما تعمليلهم كليب وديهم مدرسه كويسه

Hager M Elsaid هى بتتكلم كدة ليه؟ ايه القرف دا؟

Maryoma Mooa هتطلع بنات تافهه ومغرورين وتعبانين نفسيا بس الغريبه انها كلمتك يا ريهام بطريقه مستفزه وانتي ساكته !!

Hala El-Selmony البنات فيهم براءة واﻻم ربنا يهديها ..بجد اﻻم صعبانة عليا ومشفقة عليها واللي حواليها استغلوا جهلها.

تاجي قرآني: زمن غريب بدل ما نربي اولادنا على الصلاه والاخلاق الدينيه نعلمهم على اشياء لا تفيدهم في دنيتهم ولافي اخرتهم

Soma Elbehery هي شكلها غلط أصلا وحلوة اوي ال عيقارات دي يا ختي ربنا ما يقطع ليكي عيقار

رات حنان علي: لو عندك فلوس روحي دخلي بناتك ارقى مدارس علشان يطلعو حاجة تشرفك بدل قلة الادب دي

Mohamed Mansour الأم ذات نفسها عايزه إعدام ايه المناظر الغريبه اللي الواحد بيشفها حسبنا الله ونعم الوكيل

ابو يوسف : مفيش كلام نوصف به الام غير حسبى الله ونعم الوكيل. البنات ملهمش زنب أن امهم ست متكبره وعايزة تكون مشهوره على مصلحت البنات والله يكون فى عون المعلم الشبح اللى حرام يكون معلم او راجل اساسا المفروض لو هو راجل عنده كرامه يطلق الست الفاشله

عبدالراضي عبدالحي : انتي ست بيئه جدا ومستفزه واسلوبك يدل انك من اللي "شبع بعد جوع" يا بتاعت العيقارات

Marina Awad البنت الكبيره مامتها عاملالها حواجبها أصلا! بتلومو البنات علي ايه

Dodoo Adel استغفر الله العظيم على شكلها بئيه وشرشوحه وشكلها هتطلع جيل فاسد! الله يكون في عون بناتها