قدم الفنان عمرو مصطفى اعتذارا رسميا للنجم الكبير عمرو دياب، عبر صفحته الرسمية على موقع "فيسبوك"، بسبب تصريحاته الأخيرة في برامج تليفزيونية. كتب مصطفى: "عزيزي عمرو دياب، أتقدم باعتذار رسمي لما بدر مني وتم فهمه بدون قصد بأنه تجريح في شخصكم، ولأنه تم في العلن اعتذر في العلن، وكل عام وأنتم بخير، رمضان كريم".
اعتذار عمرو مصطفى
كان مصطفى أعلن مجموعة من التصريحات في برنامجي "أنا وأنا" مع المذيعة سمر يسري، و"تلاتة في واحد" مع الممثلة شيماء سيف، وأكد فيها أنه لا يريد العمل مجددًا مع الهضبة، وتعاونه معه لن يضيف شيئًا في تاريخه، مشيرًا إلى أن الهضبة هو من سيبحث عنه وليس العكس.
عمرو مصطفى: "الهضبة هو اللي هيدور عليا مش انا"
وكان لهذه التصريحات تأثير كبير على رواد مواقع التواصل الاجتماعي، حتى كتب الملحن عمرو مصطفى مجموعة من المنشورات، منها: "ورحمة أبويا أنا لا عايز اشتغل مع عمرو دياب تاني ولا فارق معايا، ولا بحب أجيب سرته لولا المعدين اللي بيفتحوا اسمه معايا في جملة مفيدة، خلصنا بقى ومرحلة وعدت، أقسم بالله العظيم لو أدفعلي مليون جنيه في اللحن ما هشتغل معاه تاني، أنا بحبه وبحترمه، ويارب يكسر الدنيا، وأول واحد هفرحله".
عمرو مصطفى: ""ورحمة أبويا أنا لا عايز اشتغل مع عمرو دياب تاني ولا فارق معايا"
وأضاف "اتلموا بقى وسيبوني في حالي الفترة وفي موسيقتي القادمة"، مضيفًا: "وعشان ترتاحوا اللي هيجيب اسمه في أي برنامج مستضيفني هسيب البرنامج وهقوم أمشي، أرحموني في إيه، في إيه خلاص؟ عملتله تاريخ وخلصنا، لو بتحبوه قوي قولوله ميغنيش أغنيا تاني، وشولوها من اليويتوب ومتسمعوهاش تاني عقابًا ليا".
موقع المسلسلات والأفلام وبرامج التلفزيون الرائد في العالم العربي
