كشفت الفنانة ريم البارودي انها كانت متزوجة من المطرب احمد سعد لفترة قصيرة وكانا يخططان لكشف الزواج وإقامة حفل زفاف كبير جدا، لكنه طلقها فجأة قبل شهرين ليرتبط مع سمية الخشاب الذي عرفته هي نفسها عليها! وأضافت: "أنا كنت زوجته على سنة الله ورسوله، كنت مراته، وقع وطلاق رسمي، وكنا في مرحلة التحضير لفرح كبير جداً جداً".
وعن سبب عدم الإعلان عن الزواج قالت ريم البارودي: "عشان هو كان عنده ظروف خاصة وقاسية به هو، وكنا ماشيين على برنامج معين ليه هو لحد ما الموضوع يسمح أن إحنا نقول للناس، والناس أخر حاجة بالنسبالي ومستقبلي أهم، وأنا ماتعلمتش إني أتاجر أو استغل ظروف حد".
ريم البارودي: كنت زوجة احمد سعد!
ونفت الفنانة ريم البارودى خلال لقائها ببرنامج "صبايا الخير"، مع الإعلامية ريهام سعيد، ما قاله الفنان أحمد سعد بأنه اتصل بها ليوضح لها حقيقة زواجه من الفنانة سمية الخشاب، موضحة أنه منذ ارتباطه رسميا أو عاطفياً أو روحانيا بسمية الخشاب لم يتصل بها.
ريم البارودي تبكي بسبب سؤال ريهام سعيد!
وعن مباركتها زواج الفنان أحمد سعد من سمية الخشاب قالت: "أى اتنين متجوزين بتباركيلهم ومش عيب دا جواز، وعرفت من جوه بيته ومن أهله، وأتاكدت". وأضافت أنه لا يهمها إذا كان تزوج أم لا، مردفة: "أنا كتبت على الفيس بوك وباركت لاتنين زمايلى، ومكنتش أحب إن انت يخونك التعبير وتقول حاجة، وأنت راجع من العمرة متقولش الحقيقة، إحنا مكناش متجوزين فى السر عشان نبقى مخبيين، وهو عنده حاجات مش عاوز أقول عليها، وأى حد مكانى ممكن يستغل الظروف دى".
وتابعت قائلة للفنان أحمد سعد: "أنا اللى كنت الوسيط بينه وبين سمية الخشاب، وميعرفوش بعض أبداً، انتو مكنتوش صحاب قبل كده والحمد لله أنا كنت شخص يقربكم من بعض"، لافتة إلى أن أحمد سعد طلقها فى شهر مارس الماضى.
ريم البارودي
احمد سعد
سمية الخشاب
ريم البارودي واحمد سعد
موقع المسلسلات والأفلام وبرامج التلفزيون الرائد في العالم العربي
