سرد الممثل المصري احمد حلمي بأسلوبه الفكاهي والمميّز قصّة حياته وبالذات المراحل التي فشل فيها بداية من الثانوية العامة، التي سقط فيها 3 سنين، مروراً بالكلية ثم وصولاً إلى إختبار الغناء الذي فشل فيه ايضا، إلى أن تم قبوله أخيرا في معهد الفنون المسرحية وهناك طورّ من نفسه وواصل العمل على صقل موهبته بالعمل الجاد لغاية ان وصل الى المرحلة التي هو عليها اليوم..

وكشف احمد حلمي عن قصّة حياته محاولا تشجيع جمهوره في حال واجهوا الفشل، وتذكيرهم بأن الفشل هو بداية طريق النجاح، فقال في منشور تصدّر صفحاته الرسمية على مواقع التواصل الإجتماعي وجاء فيه ما يلي:

"سقط ف الثانوية العامة 3 سنين بيجيب صفر % دهن اوضته 100 مره عشان يغير شكل الاوضه وتوصله تأثير كويس يساعده ع المذاكره وبرده كان بيسقط .. واخيرا ف سنه نجح ب 48% "اتحسبتله انه جايب 50 او اكتر لانه معفى من الفرنساوى لما كان عايش ف السعوديه ".. ودور يمين شمال ع كليه مفيش لدرجه انه راح اختبار غُني (غناء) وغنّي طلع البدر علينا عشان يصعب عليهم لا و راح معهد مساعد ظابط و لما لقاهم واقفين بالـ... لف و مشى .. وف يوم واحد قريبهم مات ونزلوا نعى ف الجرنال واشتروه وابوه لما شاف النعى قعد يعيط لانه كان صاحبه .. وفات ايام كتير ع العزا .. وف يوم كانوا بياكلوا سمك ع السفره وهو جايب جرنال فلقاه بتاع النعى .. فقلب الصفحه الناحيه التانيه عشان ابوه ميقراش ويفتكر .. وفجأة امه بصت ع الجرنال المفروش وبدأت تقرأ بصوت : يعلن معهد الفنون المسرحية بالهرم عن قبول دفعات جديده بمجموع يبدأ من 50% باقسامه التلاته التمثيل والنقد والديكور .. فأمه ابتسمت وابوه ابتسم وهو ابتسم.. ثم اصبح أحمد حلمى .. مش دايماً الفشل فشل ممكن الفشل يبقي بدايه نجاح".

منشور أحمد حلمي حصد تفاعلاً كبيراً من الجمهور ومحبّيه الذين أثنوا على عدم إستسلامه للفشل وتمسّكه بحلمه الذي وصل إلى تحقيقه بعد عناء وتعب فزرع بينهم طاقة إيجابية لا شكّ أنها ستصنع تغييراً في حياة عدد كبير منهم.