تأثر الكثيرون ممن شاهدوا إعلان النجم الراحل أحمد زكى، والذي كانت اغنيته بصوت المطربة شيرين عبد الوهاب، وانهالت الإشادات على النجوم المشاركين فيه ومنهم احمد حلمي، يسرا، عمرو سعد، شيرين رضا، منى زكى، هند صبري وابن الفنان الراحل، هيثم أحمد زكي. وعرض الإعلان لقطات متفرقة من أفلام النجم احمد زكي والتي لا تزال تعيش في وجداننا لغاية الآن.

ولم يمر الكثير من الوقت على إذاعة الإعلان حتى انتشر بقوة واشتعلت مواقع التواصل الاجتماعي خاصة انه لهدف نبيل وهو جمع تبرعات لعمل جناح خاص في مستشفى مصري لعلاج مرض السرطان بأسم احمد زكي الذي رحل مصاباً بمرض سرطان الرئة. وشارك فيه 13 فنانا وفنانة هم أحمد حلمي، منى زكي، يسرا، عمرو سعد، هند صبري، شيرين رضا، عبد العزيز مخيون، جميل راتب، محمد نجاتي، محمد لطفي، ماما نجوى، وفاء سالم وابنه الفنان هيثم أحمد زكي. وكانت الاغنية بصوت النجمة شيرين عبد الوهاب. وتقول كلماتها:

في حد ساعات بيكون جنبك، ومابتشفهوش.. ما تحسش ابداً بوجوده، مع انه قريب..

وفي حد يفارق ويسيبنا، انما بيعيش جوه قلوبنا، بتغيب الشمس انما اسمه، عمره ما يغيب..

في فرق ما بين جسم بيمشي، وروح ما بتمشيش.. واللي انت أكيد سايبه ما بينا ضد النسيان

فرحت كتير وهو جه دورنا ومعاك حنكمل مشورنا، اصل ما فيش اغلى من روح إنسان..

وعلشان أجيال بعدنا جايين يفضلوا فاكرين يفضلوا عارفين،

وعلشانك حتة منا، وعلشان تفضل ما بينا، يفضل اسمك معانا سنين وسنين..

وعلشان أجيال بعدنا جايين، وعلشان مش عاوزين نخسر ناس تانيين،

هنمد ليهم أيدينا، وهنديلهم عنينا، إحنا اخترنا الطريق ده وفيه ماشيين..

طول عمرك بتحس وجعنا من غير ما نقول، بنعيش الدنيا بإحساسك بنشوف بعنيك

وعلشان من قلبنا بنحبك، هنوصل حنية قلبك، للناس اللي ما نسيوش حبك، واتعلقوا بيك..

وعلشان أجيال بعدنا جايين، بفضلوا فاكرين، يفضلوا عارفين،

وعلشانك حتة منا، وعلشان تفضل ما بينا ،يفضل اسمك معانا سنين وسنين..