فاجأت الراقصة المصرية سما المصري المثيرة للجدل متابعيها وكشفت أنها تقوم بتسجيل أدعية دينية خاصة بشهر رمضان المبارك، ونشرت فيديو تسجيل الأدعية وظهرت وهي محجبة ترتدي غطاء الرأس في الفيديو والصور داخل الأستوديو. وانهالت الانتقادات القاسية على الراقصة سما المصري وأمطرعا المتابعون بعبارات الهجوم والغضب والسخرية، والتي قررت أن ترد عليها بطريقتها.

ونشرت سما المصري صورة لها وعلقت عليها مخاطبة المنتقدين والساخرين وقالت: "الناس اللي زعلانة و بتحزق أوي في نفسها عشان انا هعمل أدعية دينية في رمضان.. و بتقول إني منافقة.. و إزاي هطلع بأدعية و في نفس الوقت بطلع بالبرجين".

وتابعت سما المصري:"أحب أقولكم بإني فعلا أعيش حياتي عادي ببرجين أو أي حاجة أنا عايزة أعملها.. في نفس الوقت انا هعمل أدعية زي ما أنا عايزة.. و اللي أخد صك احتكار الدين يطلع يوريهولي".

ووضحت قائلة: "أنا أبقى منافقة صحيح لوكنت طلعت بوجه قدام الناس و بوجه آخر من وراهم.. ولكن أنا واضحة وصريحة بطلع بكل وجه يخطر علي بالي وقدام الناس.. انا مش عاملة شيخة قدام الناس لكن من وراهم خرباها".

وأنهت ردها المباشر والجريء بقولها: "لا أنا يا عم أنت وهو انا خرباها قدامكم و من وراكم و لا تزعلوا.. وكل واحد بقي يخليه في نفسه.. ربنا هو اللي هيحاسبني مش حضراتكم.. وبس خلاص.. اللي أنا عايزاه هعمله.. و اللي يعمل زينا نقوله يا عمنا".