وجهت المطربة اللبنانية الشهيرة إليسا رسالة إلى النساء، قالت لهن فيها إن عليهن أن يفخرن بأجسادهن. وجاءت رسالة إليسا ضمن مشاركتها في حملة ضد التحرش بالنساء جسديا. وطلبت المطربة في تغريدة من النساء بضرورة الكشف عن أي شخص يحاول ابتزازهن أو التحرش بهن.
وقالت إليسا: (الابتزاز من أكبر الجرائم اللي ممكن تتعرضلها أي صبية، والسكوت عن هالموضوع جريمة كمان. افضحي المتحرش وافضحي المبتز واحمي حالك من الخوف لأنو هيدا جسمك وحقك وصوتك).
وتم إطلاق حملة ضد التحرش الجسدي بالنساء من قبل منظمة (في-مايل)، بعد أن أظهرت الأرقام التي حصلت عليها من المديرية العامة لقوى الأمن الداخلي في لبنان أن أكثر من 100 امرأة وفتاة يبلغن شهريا عن تعرضهن للعنف الإلكتروني.
وتهدف حملة (الشاشة ما بتحمي) إلى التأكيد أن النساء والفتيات في لبنان والعالم العربي لهن الحق في استخدام الإنترنت بحرية وأمان من دون التعرض لكافة أشكال العنف الإلكتروني.
وانهالت التعليقات الإيجابية تشكر اليسا على تطرقها لهذا الموضوع الهام والحساس لتوعية النساء. واخترنا لكم في موقع مسلسلات اون لاين بعض التعليقات منها:
يسر: المشكلة مو بالخوف من الشخص المتحرش او المبتز، بمجتمعاتنا للاسف الاهل بيخافو من الناس اكتر من خوفن ع ولادن، لهيك بس يتعرضو الأبناء (خاصة البنات) لمشكلة من هالنوع بيضطروا يسكتو ويحاولو يسايرو الشخص المبتز مشان ما تصير مشكلة مع الاهل! الوعي والإحتواء اشيا ضرورية بعلاقة الاهل بولادن!
عاشقة اليسا: كلامك أكيد ميه بالميه.. اليسا انت انسانه عندك وعي كتير وفكرك دايما متحضر.. يا ريت لو الكل متلك.. انت للانسانيه عنوان انت كل يوم بتكبري في نظري أكتر.
شاهيناز: في اليوم العالمي للعنف ضد المرأة.. اليسا من تستحق أن تفوز بالتكريم لانو دايما تدافع عن المرأة العربية في برامجها، في مجالاتها ، وين ما كانت ، و حتى في أغانيها (عكس اللي شايفينها ، يا مرايتي ).
فاطمة: والله أنك فخر للمرأة.
سيدرا: برافووووووو اليسا ما حدا اتطرق على هيدا الموضوع كتير بنات عم يعانو من التحرش و يسكتو من الخوف ما لازم الوحدة تسكت عشان الخوف من المجتمع لازم تحكي لانو الصحة النفسية اهم شي لانو لما تسكت راح تمرض.
ستيف: مشكلة مجتمعاتنا صعبة يتقبلون اذا بنتهم اتحرش فيها حدا، راح يدمرو نفسية البنت بس المهم الناس ما تحكي عليهم.
ديما: قديش قلبك كبير انت لحتى عم تشعري مع كل العالم وبكل الجرائم والمصايب يلي عم تصير يا ريت لو في متلك تنتين بهالدنيه كنا بألف خير هلأ.
عزيز: كلام كبير.. عم بتحكي حكيمه.
موقع المسلسلات والأفلام وبرامج التلفزيون الرائد في العالم العربي
