تشاجر مؤدي المهرجان حسن شاكوش صاحب اغنية بنت الجيران، مع رضا البحراوي على مسرح الساحل الشمالي، وكشف الناقد الفني هاني عزب، تفاصيل الخناقة التي وصفها بـ"حرب شوارع" بين كل من حسن شاكوش ورضا البحراوي. وذكر "عزب" عبر صفحته الشخصية على موقع التواصل الاجتماعي "فيسبوك" مع نشر فيديو انفرد به: "البداية كانت مع شاكوش اللي لما طلع على المسرح كانت فرقة رضا موجودة علي المسرح.. شاكوش قرر إنه مش هيكمل فقرته إلا لما فرقة "البحراوي" تنزل من على المسرح لإن كده كده بيغني "بلاي باك" وبالفعل طلبه اتنفذ وسط استياء من أعضاء الفرقة".
وقال هاني عزب: "قبل ما حسن شاكوش ينزل ويخلص فقرته قررت فرقة رضا البحراوي تطلع على المسرح مرة تانية وده خلى فيه غضب كبير عند شاكوش اللي وهو نازل من على المسرح وجه ليهم إشارات خارجة وبذيئة ومن هنا كان الرد بينه وبين فرقة رضا البحراوي وتبادلوا توجيه السباب.. وحاول هنا حمو بيكا التدخل في الموضوع وإنهاء الأمر قبل أن تحدث كارثة حقيقة وخناقة شوارع في الساحل الشمالي".
كواليس خناقة وحرب الشوارع بين حسن شاكوش و رضا البحراوي
وتابع قائلا: "وصل رضا البحراوي الحفلة وعرف اللي حصل وأول حاجة عملها وجه التحية لفرقته الموسيقية وبدأ يغني وبعدها وقف الغنا وفضل ينادي على شاكوش وقال "شاكوش فين.. مشي.. كنت عايزه والله.. بس للأسف خد بعضه وجري..عايزه يدعي لحمو بيكا".
موقع المسلسلات والأفلام وبرامج التلفزيون الرائد في العالم العربي
