قال الفنان حمادة هلال أن أغنية "عيش بشوقك" والتي قام بغنائها المطرب تامر حسني، كانت في الأصل له واستمر في العمل عليها لمدة 6 أشهر. تابع حمادة هلال قائلا خلال حواره مع الإعلامية أسما إبراهيم في برنامج "حبر سري" أنه انشغل لفترة قصيرة تراوحت من أسبوعين لثلاثة أسابيع بسبب مرض والدته بعد العمل على الأغنية لمدة 6 اشهر.

وأضاف قائلا: "اللي زعلني اني اتواصلت معاهم وقلتلهم الأغنية دي بتاعتي لأنهم خدوها وفكرت انزل الأغنية على السوشيال ميديا لأنها بتاعتي ومجهودي بس قلت بلاش وربنا اللي عالم". وتابع موضحا أنه تعاقد على أغنية جديدة بعد أسبوعين من تلك الواقعة حيث قال "بعد 15 يوم رحت لمي كساب علشان كانت عيانة وقابلت اوكا واورتيجا واتقالي عندي اغنية اسمها اشرب شاي وعملتها ونجحت وبقت أغنية وإعلان وفيها الخير".

حمادة هلال: "أغنية (عيش بشوقك) لتامر حسني كانت بتاعتي واشتغلت عليها 6 شهور.."

وأضاف: "أنا مش زعلان على الأغنية بس أنا لو حد قالي دي اغنيتي وشقيان عليها وانشغلت في مرض امي هقولك خدها مش هقولك اخدت تنازل هو احنا بقينا في قانون الورقة والقلم ولا قانون الكلمة والجدعنة". وعن تواصله مع فريق عمل الأغنية قال "أنا كلمت الزميل والمنتج وكلهم وقلتلهم دي بتاعتي وال15 يوم أنا قاعد تحت رجل امي والأغنية أنا شقيان فيها فلية بتعملوا كدة ولو حد غيري كان نزلها وحرق دمهم بس استعوضت".

كما عبر حمادة هلال عن صدمته في الأشخاص وأكد أنه ليس حزينا على فقدان الأغنية. ونشر الملحن بلال سرور تعليقا يرد فيه على الفنان حمادة هلال بشأن أغنية بشوفك والتي غناها تامر حسني. وتفاعل الجمهور مع بلال سرور يؤكد أن الفنان الذي يقصده هو حمادة هلال وقال بلال عبر فيسبوك : " مرة فنان كلمناه أنا والشاعر مصطفى حسن، يجيلنا يجرب غنوة بصوته، الفنان ده جيه وغنى واتبسط، ثم اختفى 6 شهور مبيردش حتى على تليفون، فالأغنية راحت لصاحب نصيبها، يقوم الفنان الأولاني يبدأ يطالب بأحقيته في الغنوة دي ويدعي إنها أغنيته وإنه تعب فيها!! الكداب بيروح النار".

ونشر أيضا: "صديقي الفنان مصطفي حسن كلم حماده هلال، وطلب منه يجيلنا يجرب صوته علي غنوه مهمه، الفنان حماده جالنا، وجرب الاغنيه وعجبته، وكان يوم جميل وكله تمام … لفتره كبيره انا مش فاكر هيا قد إيه كنا بنحاول نكلم حماده ونبعتله رسايل ومفيش اي نوع رد منه لا بالسلب ولا بالايجاب بيروح افراحه وشغله عادي وحفلاته وبيسافر ويرجع وبرده مبيردش بيقابل فنانين وبيسمع اغاني تانيه عندهم وبرده مبيرجعلناش يقولنا ناوي يعمل ايه".

أضاف: "الفكره بالنسبه للفنان حماده انه مكنش عايز يشتري الاغنيه هو كان راكنها وبيدور علي حد يشتريها، احنا طبعا اتصدمنا وفهمناه ان الاغنيه اتباعت طبعا هو كان متضايق جدا بس ده فشغلنا شئ طول الوقت وارد لان انت ملتزمتش معانا بحاجه !!!! ولا حتي بتقدير انك تتواصل معانا!!!".

وأكمل: "حماده اتضايق جدا وبقي بيطلب مننا باي شكل نرجع الغنوه وان المنتج هيديكو اللي انتو عايزينه، احنا طبعا كنا التزمنا مع هاني محروس والفنان تامر حسني وأنا بقسم بالله ومش محتاج احلف اني من كتر ما صعب عليا حماده فكرت انا ومصطفي نستاذن تامر ونرجعله الاغنيه فالتوقيت ده الفنان حماده هلال كلم الفان تامر حسني، وطلب منه الاغنيه وافترا علينا وقاله انها معموله علي ايدي وشقيت فيها طبعا ده محصلش، ومش منطقي اصلا انه يحصل. بس هو قال كده عشان يأثر علي تامر".

استكمل: "وبالفعل الفنان تامر حسني كلمني وقاللي هو اللي بيقولو حماده ده صح انا طبعا ركبني عفريت وفهمته القصه وخلص الموضوع، واعتذرنا لحماده وكل الدنيا غلطته ولما الغنوه نزلت ونجحت بقيت مل ما اقابل حد لمده شهووور يقوللي ليه عملتو كده مع حمادهاروح مفهمه القصه كإني متهم وكل الناس اللي فالوسط عارفين الموضوع ده وعارفين ان حماده مش صاحب حق دلوقتي بعد ما عدي سنين الموضوع اتفتح، وناس عماله تبعتلي كلاك غريب وانتو ازاي تعملوا، معرفش ايه".