الفنان الشعبي شعبان عبد الرحيم أتحف الجمهور بأغانيه التي تتحدث عن الازمات والامور الاجتماعية والسياسيين، ومؤخرا فقد انتهى من تسجيل اغنية جديدة عن ازمة السكر كمحاولة منه للتصدي لارتفاع اسعار السكر.

السكر بقى غالي والناس حتحلي بإيه!!

وتقول كلمات الاغنية: الناس من الغلا بتلالي، والشعب حيعمل ايه، حتى السكر بقى غالي.. والناس حتحلي بإيه.. كيلو السكر بـ 8 و9 و10 ساعات.. لا حنشرب تاني عصاير ولا ناكل حلويات.. الحلبة خلاص والقهوة حتبقى كلها سادة.. ولا خلى السكر بره ولا فيه مظبوط وزيادة.. السكر اصبح ذكرى وجروحنا زادت جرح.. وخلاص كلنا من بكرة حنحلي الشاي بالملح.. ياللي انت عندك سكر اتهنى وقول يا بلاش.. طب انت جابولك سكر في ناس لسه مجلهاش.. قاعدين كلنا بنفكر في المجلس والجلسات.. أهو غلوا علينا السكر وادي آخر الانتخابات.. علقنا يفط ومشينا ومسكنا لبعض سيوف.. ولا شوفنا حد بيخدم ولا عمرنا يوم حنشوف.. عيش مرة وسكر مرة ومنين الناس حتجيب.. حق النور والمية واللحمة والانابيب.. مبقاش لا مرتب نافع ولا حافز ولا علاوات.. السكر بس عايز له ميزانية وسلفيات.. الناس تعبانة وحايرة وانتخبوا لكن عارفين.. مش حيشوفوا ابن الدايرة غير بعد 5 سنين.